ELIZABETH RAMSEY, KASALI NA SA DYESEBEL by: Jun Nardo

ptrp1977 Wed Aug 06, 2008 9:29 am

MAGUGULANTANG ang manonood kapag lumabas na ang episode ni Elizabeth Ramsey sa Dyesebel! Yes, parte na siya ng number one fantaserye sa primetime na pinagbibidahan nina Marian Rivera at Dingdong Dantes.

Si Mama Beth ang Mother of All Pearls sa series at siya ang may hawak ng black pearl na panlaban kay Berbola na ginagampanan naman ni Michelle Madrigal.

Nakatira siya sa isang malaking kabibe at take note na sa suot niyang costume, tatlong tao ang kinailangang bumuhat upang maisuot ito ng komedyana.

Tawa raw nang tawa ang staff and crew ng Dyesebel habang umaarte si Mama Beth. Hindi kasi nila alam kung seryoso ba ito o nagpapatawa.
May mahalaga siyang role sa series lalo na sa papel ni Alfred Vargas bilang Erebus.

Ayon kay Ina ni Jaya nu’ng mag-guest siya sa All Star K, masaya naman ang lahat sa taping niya sa series nina Marian at Dingdong. Kaya naman ayon sa kanya, after ng taping niya last Saturday, hindi na niya tinanggal ‘yung make up niya at ‘yung hitsura niya sa taping ay ganoon din ang hitsura niya sa taping ng All Star K!

Ha! Ha! Ha!

Dagdag pa niya, “Hindi na rin ako naligo at natulog ako ng ganito ang hitsura ko!”